-
คนต่างบ้าน ว่านต่างสวน -
สุกอยู่ต้นบ่ท่อฝานหัวบ่ม -
แนใส่กันผัดไปตึกกะโขงตา มะเน้มะน้าตกเทิงปลายไม้ ตกใส่น้ำดังปก ตกใส่บกดังถ่วน ตกใส่ป่าหญ้าปล้องดังก้องทั่วเมือง -
อยากกินข้าว ให้ปลูกใส่พลานหิน อยากมีศีล ให้ฆ่าพ่อตีแม่ อยากให้คนมาแว้ ให้ฆ่าชุมเดียวกัน อยากเห็นสวรรค์ ให้ไปรื้อขี้ซิ่นในวัด -
ขี้ฮ้ายบักหุ่งสุก -
โอ้น้อ..ชีวิตส่างมายุ่งยาก นำควายหลายโต โตหนึ่งนั้นข้องง่าคอง โตสองข้องง่าขาม โตสามข้องง่ามี่ โตสี่ข้องง่าหว้า โตห้าข้องง่าบก โตหกข้องง่าแต้ ไผเดน้อสิมาแก้ควายข้อยจัง สิไป -
ใจผะสงค์แล้วเมืองแกวกะดั้นฮอด ใจผะสงค์หน่วยแก้วในถ้ำกะก่นหา ใจผะสงค์ต่อไม้จึงได้แบกขวานมา ใจผะสงค์ต่อปลาจึงแบกแหมาพร้อม -
ไม้ซกงกหกง่า กะปอมก่าขึ้นมื้อฮ้อย กะปอมน้อยขึ้นมื้อพัน โตมาบ่ทันปีนขึ้นนำกันคู่มื้อคู่มื้อ -
เทียวทางให้สุดเส้น อย่าถอยหลังให้เขาย่ำ ตายขอให้ตายหน้าพุ้น เขาสิเอิ้นว่าหาญ -
มีเงินบ่มีธรรมเฝ้า สิจาหนีมื้อฮ้อยเทื่อ มีธรรมบ่มีอินอ้อยอ่อยไว้ก็บ่ฟัง -
เกลี้ยงฮอดใบ ใสฮอดลูก เกลี้ยงฮอดข้าวปลูก เกลี้ยงฮอดข้าวปัดลาน -
สี่คนหาม สามคนแห่ ผู้หนึ่งนั่งแคร่ สองคนพาไป
